Asnjërit prej nesh nuk i pëlqen të zgjohet nga gjumi i pasdites, por pak prej nesh kanë pasur një zgjim kaq të vrazhdë sa ky i këtij ushtari rus, që është kapur edhe në video nga një dron i ushtrisë ukrainase.
Sipas mbishkrimit në llogarinë në Telegram ku videoja është shpërndarë fillimisht, tregohet goditja me raketë që i është bërë një ushtari rus të “kapur mat” teksa ishte duke bërë një gjumë të rëndë.
Momenti i rehatisë së ushtarit ndërpritet kur droni hedh një raketë në “strofën e dhelprës” ku ai po flinte.
Papritmas i zgjuar, ushtari rus largohet me shpejtësi duke lënë prapa edhe armën e tij.
“Më i mirë edhe se alarmi i Androidit”, shkroi një përdorues i Reddit, teksa komentonte videon.
Ndërkohë, në postimin në Telegram thuhej se pamjet janë nga realizuar “pilotët e sulmit të 128 GShB”, gjë që mund të sugjeronte se Brigada e 128-të Sulmuese Malore e Ukrainës po operonte dronin.
Ushtarët e Brigadës së 128-të të Zakarpattia u raportuan për herë të fundit duke luftuar në rajonin e Luhansk, sipas faqes Ukrinform.
